صديقتك سارة

نعايم اليوم آخر امتحان والله ما اقدر استوعب ان خلاص ودعنا المدرسة ووودعنا كل لحظة كنا فيها سوا اليوم رسمياً صرنا خريجات وبنطوي صحفات الثانوي صفحات غاليه في حياتنا ولا حننساها ابداً وانا مدري كيف اشرح لك بس فعليًا وجودك غير في حياتي انتي اكثر من صديقة انتي سندي وضحكتي وونيسي في كل الأيام اللي مرت علينا أنا م كنت اتخيل ان في صديقه بتجيني تخليني احب المدرسه وأحب الدوام بسببها وكنتي الشي اللي يخليني اتقوى واصبر كنتي طاقة حلوة تمشي جنبي بكل يوم دراسي كنتي دفاي وقت البرد وهونك وقت التعب كنتي دايم جنبي دايم رفيقتي بكل شي ما كنت احس اني لحالي ولا مرة طول ما انتي معاي حتى لما نحزن كنا نحزن سوا ولما ننجح نفرح سوا ولما نحبط نرفع بعض سنتين بس حسيتهم عمر من كثر ما مرت علينا مواقف وضحك وبكا ومذاكرة وهروب من الحصص وقعدة في الممرات وحتى وقت الملل اللي ما له معنى كنا نضحك فيه مع بعض تعرفي كم أنا ممتنة لله إنه جمعني فيك ممتنة على كل لحظة كنتي فيها معي وكل دعوة دعيتيها لي وكل مرة وقفتي فيها جنبي حتى لو كنتي متضايقة ممتنة على حبك وصدقك وخوفك علي ممتنة إنك نعايم اللي كنت احكي لها كل شي من غير ما اخاف او اتردد نعايم انتي أختي اللي ما جابتها أمي انتي الصاحبة اللي وجودها في الحياة كنز وبصراحة انا مو مستعدة نخلص ونمشي كل وحدة بطريق بس عارفة مهما تغيرت الأيام ومهما بعدنا صداقتنا هذي راح تظل بقلبي وبدعواتي دايمًا راح أتذكرك بكل خير وابتسم لما أفتكرك لأنه وجودك كان نعمة حقيقية الحمدلله اني عرفتك وفخورة بكل خطوة مشيناها سوا وان شاء الله نكمل ونشوف بعض بنكبر وننجح ونوصل للي نحلم فيه أنا أحبك والله يسعدك بكل تفاصيلك ويفتح لك كل أبواب الفرح والنجاح وتبقين دايمًا قريبة من قلبي يا أغلى نعايم والحين ماني مستوعبه انو خلاص م بنسمع كلمه اسكتي ي نعايم انتي وساره او يلا كل وحده بجهه تفارقو او ماني مستوعبه او خلاص م بنحضن بعض كل صباح بيختفي ذا كله وبتبقى الذكريات بس! ايام كنا نذاكر سوا نتحمس سوا نبكي سوا نضحك سوا أنا للحين وللأبد م اعتبرك رفيقه دراسه فقط، انتي والله اقرب من روحي ووحده من خواتي و أعرفي إنك تركتي أثر في قلبي حلو ما راح يروح، أنا أحبك مره احبك ي أعز رفيق❤️ وبالآخير أقولك أنا فخوره فيك جداً جداً انت عارفه قد ايش تعبتي عشان توصلين لذي المرحله وصح انك تزمبلين احياناً يوم تشوفيني مزمبله لاني زي الشيطآن يوسوس لش لاتذاكرين ي نعايم😂 بس انتي ذكيه وشاطره مره ما شاء الله ويارب اشوفش محققه أحلامش كلها واشوفش مبسوطه طول حياتش يارب وتدرسين التخصص الي تحبينه وتجيبين اعلى الدرجات يارب العالمين❤️ احبك نوني❤️❤️.